އެއްގަމު ލައިސަންސް ޓްރެކްއެޅުން

ޕްރޮޖެކްޓް ނަންބަރު PC/308/2024/10

ކުރީގެ ބަށިކޯޓް އޮތް ސަރަޙައްދު ސާފުކޮށް މިދަންނަވާ މަޢުލޫމާތާއި އެއްގޮތަށް އެއްގަމު ލައިސަންސް ޓްރެކްއަޅައިދޭނެ ފަރާތެއް ހޯދަން ބޭނުންވެއެވެ.

މަސައްކަތާއިގުޅޭ މަޢުލޫމާތު

1. ބަށިކޯޓް ސަރަޙައްދުގައި ހުރި ފައިބަރު ޑިންގީތަކާއި ހަލްތައް ލެމަން ތެޔޮޝެޑާއި ދިމާ ހުޅަނގު ހޭޅިފަށަށް ބަދަލުކުރުން.
2. ބަށިކޯޓްގެ ފެންސްގެ ހޮޅިތައް ކޮންކްރިޓް ބުޑާއި ހަމައިން ބުރިކޮށް ނަގައި ކައުންސިލުން އަންގާ ތަނަކަށް ޖަމާކުރުން.
3. ބިން ސާފުކޮށް ކުނި އުކާލުމާއި ބިންގަނޑު ލެވަލްކުރުމާއި ކޮމްޕެކްޓްކުރުން.
4. ތަޅުންއެޅުމުގެ ކުރިން ތަޅުން އަޅާ ބޮޑުމިނުގައި ސެލޯފިން އެޅުން.
5. ތަޅުމުގެ ދިގުމިން ހަމަހަމަކޮށް 3 (ތިނެއް) ބަޔަށް ބަހާލުމާއިއެކު ފުޅާމިން 2 (ދޭއް) ބަޔަށް ހަމަހަމަޔަށް ބަހާލަންވާނެއެވެ.
6. ތަޅުމުގެ ބޯމިނުގައި 3 (ތިނެއް) އިންޗި ހުންނަންވާނެއެވެ.
7. ތަޅުން އަޅާނީ ޖަދުވަލު 1 ގައިވާ ގޮތަށް ބައިބަޔަށް ބަހައިގެންނެވެ. އަދި ކޮންމެ ދެބައެއްގެ ދެމެދު 3 އެމް.އެމްގެ ދުރުމިން ހުންނަންވާނެއެވެ.
8. ތަޅުމުގެ ރޭޝިއޯ: 4:1       ސިމެންތި: ހިލަވެލި
9. މިއިޢުލާނުގެ ޖަދުވަލު 1 ގައިވާ ކުރެހުމާއި އެއްގޮތަށް ރީނދޫކުލައިން ޓްރެކް ކުރެހުން.
10. ޓްރެކް ލައިންތަކުގެ ފުޅާމިނުގައި 4 (ހަތަރެއް) އިންޗި ހުންނަންވާނެއެވެ.

އަގު ހުށަހަޅަންވީ ގޮތް:

– އަގު ހުށަހަޅަންވާނީ ދިވެހި ރުފިޔާއިންނެވެ.

– އަންދާސީ ހިސާބު ހުށަހަޅަންވާނީ ބަންދުކުރެވިފައިވާ ސިޓީއުރައެއްގައިއެވެ.

– ސިޓީއުރައިގައި ބަންދުކުރެވިފައިވާ ލިޔެކިޔުން ފިޔަވާ އެހެން ލިޔުމެއް ފަހުން ބަލައެއް ނުގަނެވޭނެއެވެ. އަދި ބަންދުކުރެވިފައިވާ ސިޓީއުރައިގެ ބޭރުގައި އިޢުލާން ނަންބަރު އަދި ތިރީގައިވާގޮތަށް އެޑްރެސްކުރެވިފައި އޮންނަންވާނެއެވެ.

“އެއްގަމު ލައިސަންސް ޓްރެކްއެޅުން”

މާޅޮސްމަޑުލު އުތުރުބުރީ މަޑުއްވަރީ ކައުންސިލްގެ އިދާރާ

ހުށަހަޅަން ޖެހޭ ލިޔެކިޔުންތައް:

– ވިޔަފާރީގެ މުއްދަތު ހަމަނުވާ ރަޖިސްޓްރީގެ ކޮޕީ.

– އަންދާސީ ހިސާބު ހުށަހަޅާ ފޯމް

ޕޮއިންޓް ދެވޭގޮތުގެ ތަފްސީލު:

1. ޕޮއިންޓް ދިނުމުގައި ބަލާ މިންގަނޑު ތަކަކަކީ :

– އަގު %80

– ތަޖުރިބާ

– މުއްދަތު

1. ބިޑް އިވެލުއޭޓްކުރުމުގައި އަގުގެ ބެންޗްމާކުގެ ގޮތުގައި ބަލާނީ ހުށަހަޅާފައިވާ އެންމެ ކުޑައަގެވެ.
2. ތަޖުރިބާއަށް ޕޮއިންޓް ދިނުމުގައި ބަލާނީ ފާއިތުވި 2 އަހަރު ކޮށްފައިވާ މިފަދަ މަސައްކަތްތަކުގެ ލިޔުމަށެވެ.
3. ބިޑް އިވެލުވޭޓްކުރުމުގައި މުއްދަތުގެ ބެންޗްމާކުގެ ގޮތުގައި ބަލާނީ ހުށަހަޅާފައިވާ އެންމެ ކުރު މުއްދަތެވެ.
4. ބިޑް އިވެލުއޭޓް ކުރާނީ މިއިދާރާގެ ބިޑް އިވެލުއޭޝަން ކޮމިޓީންނެވެ.
5. ބިޑް އިވެލުއޭޝަން ކޮމިޓީން އިވެލުއޭޓްކުރުމަށް ފަހު، ބިޑުތައް ކާމިޔާބު ކުރެވުނު ފަރާތަށާއި ނުކުރެވުނު ފަރާތްތަކަށް އެންގޭނެއެވެ.
6. ބިޑް އިވެލުއޭޝަނާއި ގުޅިގެން އެއްވެސް ޝަކުވާއެއް އޮތްނަމަ “ބީލަންވެރިޔާ މައްސަލަ ހުށަހަޅާ ފޯމް” ހުށަހެޅުމުން އެފަރާތަކަށް ޖަވާބުދެވޭނެއެވެ.

މިހެންވެ، މިކަން ޢާންމުކޮށް އެންގުމަށްޓަކައި އިޢުލާނުކުރީމެވެ.